Ari ani Bos basar belanja makan durian di ofis, “Durian Party”. Bah apa tah lagik, makan durian tah kami urang di ofis tadi. Gila kali arr… Bos bali 10 bakul durian dan 5 guni manggis. Siapakan menghabiskan buah buah atu? Masing masing indak sanggup bah. Kediaku sanggup makan dua biji durian dan beberapa biji manggis saja.Nyaman pulang rasanya, manis dan isinya tabal. Nyummm! nyummm!
Sebelum balik, bos ku suruh ambil balik durian atu. Aduhhh….indak ku mau bah tapi terpaksa juak ku ambil, 4 biji durian (Terpaksa ker? Hehehe). Ingatkan ada buah manggis, rupa rupanya manggis sudah habis kena sapu durang. Hanjing betul durang atu, indak ingatkan urang lain lansung.
Ku dangar bos ku cakap, Bos basar kan bali lagik. Dan buat lagik “Durian Party” banar atau indak, indak pulang ku tau arr. Kalau banar, indak ku sanggup arr kan makan durian saja.
Tadi masa makan durian ada tah urang dari Korea, hehehe… bukan main lagik kediak kan merasa durian atu. Baru makan seulas, muaknya sudah berubah, indak sanggup ia kan menalan, muntah kediak. Hehehe...Indak nyaman katanya.
Bah, siapa siapa yang suka banar makan durian, apa lagik datanglah ke KL. Durian disini murah murah, bukan macam di Miri atu. Mahal !, macam ler kulit atu buleh dimakan.
Karang ani musim durian bah di KL. Jomlah kita pakat makan durian ramai ramai...hehehe
No comments:
Post a Comment